Umpama Pakpak

Tuppak simerpara, ruah-ruah dahan parira

Menumpak Tuhan debata, njuah-njuah kita karina.

Merbante mahan luah, asa lot dalan kirana.

Kade ngo ndia merulah, mbue kita lolo merdea marga.

Padin mo aku page, ulang pada cingkeru en

Padin mo aku mate, ulang pada nggelluh en.

Ndates delleng siraut, iterruhna kuta tambahen

Mella mersah pe akapen si daging, ulang lupa kita mersodip mi Tuhan ta.

Mberas page ... lambang dukut

Mla lot nggerrah ate.... ulang soh mi sukut.

Tokkok si ohor-ohor, kain panjang babo ganjela

Rokok pe mak tertokor, jadi mertandang pe jadi mela.

Laus mi jehe mi julu, oda giam merbaju

Enggo mo ningin merkempu, lalap deng menandangi simerbaju.

Terrang nina bulan tapi terrangen deng i soki-soki

Mberru pe ko turang tapi ibettoh ko poda mersori.

Ndeppur angin i delleng, mogor ogor pucuk ni pola

Ndor mo daging mu mbellen, asa ndor ko mersikkola.

Ndeppur angin i delleng, kettang ki rakut pantar

Ndor mo daging mu mbellen, ulang si megar-megar.

Kabang leang-leang, seggep i tanggiang

Laus aku meang-eang , nggerrah ate inang.

Tellu benna bulu, sada mogor-ogor

Tellu berru nampuhun, sada poda tertokor.

Merpola mi kuta liang, merpolet mi kuta lae mbulan

Ulang lupa mertangiang, asa dapet pasu-pasu ni Tuhan.